Ghjunta in Conca

Paisuchju di corsica suttana inciuttulatu in una vaddi, Conca custituisci a partenza storica di u GR20. U paesi di Conca hè assai spartu. T'hà a forma d'un falcinu in una conca. A cumuna si stendi accantu à mari in i marini di Foni, Tarcu , a Fica è Fautea .

;

Quand'é vo cuddeti in Conca, passendu par Foni o par Santa Lucia di Purti Vecchju ( Comu ghjunghja in Conca ? ), v'hà da parè d'essavi cunviati...

Ma ùn hè micca cusì, ghjè chì Conca hè un paesi chì si mireta !!!
;

Sè vo viniti da Santa Lucia sareti accolti da u cimiteriu e po da a ghjesia.

Sè vo viniti da Foni, ghjè a cappedda di Santa Teresa chì v'aspetta.

Sè vo ghjunghjiti pà u GR 20, eccu ciò chè vo vidareti :

Conca hè un paesi di 786 abitanti (in 2006).

Di statina vasgi 7000 parsoni stani annantu à u Cunchesu.

A superficia di a cummuna hè di 7796 ettari.

Conca t'hà dui pezzi in u Quinzesu, u paciali di Bavedda è a capedda é a furesta di Pampalonu.

Si stendi vicinu à u mari ed hè cumposta da i paciali di Foni, Tarcu , a Fica è Fautea .

Torra di Fautea

I vadini è i fiuma di a cumuna sò u Cavu, u Tarcu, u Cicolellu, a vadina di a Tafunata è a vadina di Foni.

Conca faci parti di a cumunità di i cumuni di a Costa di i Niàcari cù a cumuna di Sari è di u Sulaghju.

Comu ghjunghja in Conca ?

Ritornu