A storia di Conca

A u cumenciu, in Conca c'erani i pastori chì ci staghjìani d'inguernu è muntanaiani d'istatina in i Paliri, Cappeddu è Bavedda.

Pocu è pocu la ghjenti si sò cullucati è u paisughju hè duvintatu un paisonu. I marini si sò sviluppati dopu, in a siconda parti di u XXesimu seculu.

;

1769

Tandu in Conca, c'era 124 paisani (35 omini, 34 donni, 36 masci, 18 femini è un preti).

U piu anzianu era Ghjuvan Dumenicu è t'avia 75 anni.

;

1786

A u Cunchesu ci stahujìani 223 parsoni (39 omini, 51 donna, 74 masci è 59 fèmini).

I casati èrani : Leccia, Cavalloni, Susini, Proffizio, Manarini, Livisani, Giovanini.

;

1818

In a cumuna erani tandu 427. U merri era Lavisu Mannarini. C'era deci casati : Olivesi (o Livesi), Mannarini, Profizi, Leccia, Grimaldi, Mosconi, Cavalloni, Astolfi, Susini è Ferrandi.

;

1851

U 31 aostu 1851, a "convention" Blondel" dà à i cunchesi u drittu di fà pasculà i so animali è di stà in Bavedda d'istatina. A "Convention Blondel" parla d'alloghju pruvisoriu : capanni in petra secca incù u so tettu di scànduli. Ma ùn cuncedi micca tarrena nè mancu u drittu di fà i sarrendi.

;

1856

In paesu erani 558 è c'era una ciandarmaria ind'eddi staghjani deci ciandarmi.

;

1926

U merri era Ghjaseppu Maria Leccia. C'era 1056 abitanti. I casati i più sparti erani : Leccia (282), Mosconi (139), Grimaldi (123), Profizi (126), Susini (104), Mannarini (67).

C'era 122 casi in Conca è 5 in i marini :

una in foni, dui in a Fica è dui in Fautéa.

;

1943

In u corsu di l'uparazioni di libarazioni di a Corsica, chì ani duratu da u 9 di sittembri à u 4 uttrovi 1943, a verra hà colpu bè a noscia cumuna. U 22 sittembri 1943 trè omini, u spiranti Michelin, Ghjuvan Battisti Leccia è Paulu Cavalloni sò morti par pruteghja i Cunchesi da l'assaltu alimanu.

Par sapè ni di più annantu à st'avinimenti :

L'annu 1943 in Conca

;

1954

In u 1954, u paciali, a foci è i forchi di Bavedda sò facini parti di a lista di lochi pittureschi di a Corsica.

;

1972

U 17 marzu 1972, a cumuna di Conca scambia una pruprietà in a furesta di Vìttuli contru una dicina d'èttari in Bavedda chì currispondini à a stesa di u paesu.

;

1985

Un focu maiori parti da a scàrica di u lozzu è dannieghja u paesu. Una bedda parti di a cumuna sarà tocca.

;

;

Infurmazioni annanta l'annati 1769 a 1926 : Xavier Antoine Giorgi.

;

;

Ritornu